“Security Operation Services" MMC özəl mühafizə şirkəti xidməti fəaliyyətlə bağlı öz əməkdaşlarının bilik səviyyəsinin artırılması, təkmilləşdirmə və yeni standartlara yiyələnmə məqsədilə bu sahədə böyük təcrübəyə malik dövlət müəssisələri ilə əməkdaşlığını davam etdirməkdədir.
Belə ki, tərəfələr arasında əvvəlcədən əldə olunmuş qarşlıqlı razılaşmaya əsasən MMC-nin direktoru və bir qrup əməkdaşı Azərbaycan Respublikasının Fövqəladə Hallar Nazirliyi Sənayedə İşlərin Təhlükəsiz Görülməsi və Dağ-Mədən Nəzarətİ Dövlət Agentliyinin Azərbaycan Dövlət Əməyin Mühafizəsi və Təhlükəsizlik Texnikası Elmi-Tədqiqat İnstitutunda təşkil olunan Beynəlxalq “Nebosh Endorsed” (Əməyin Təhlükəsizliyi və Sağlamlığı üzrə Milli Mmtahan Şurası) Sertifikatının əldə edilməsi üzrə təlim kursunda və “Sənayedə texniki təhlükəsizlik və əməyin mühafizəsi qaydaları və normaları” üzrə keçirilən təlim kurslarında iştirak edərək bu sahədə biliklərini artırmış və İnstitutun Şəhadətnamələri ilə təltif olunmuşdurlar.
Məsələ ilə bağlı MMC-nin direktoru Anar Məmmədov bildirmişdir ki, bu istiqamətdə fəaliyyətimiz davam etməkdədir, əməkdaşlarımızın beynəlxalq standartlara uyğun nəzəri biliklərə yiyələnməsi bizim üçün əsas priaritet təşkil edir, hədəfimiz MMC-nin daha peşəkar eləcə də savadlı kadrlardan təşkil olunmasından ibarətdir.
Məlumat üçün onu da qeyd edək ki bir müddət öncə "SOS" MMC-nin bəzi işçiləri 2024-cü ilin tədbirlər planı çərçivəsində Milli Aviasiya Akademiyasında təşkil olunan "X-Ray" aparatlarına işləmə təcrübə və biliklərinin öyrənilməsi ilə əlaqədar keçirilmiş təlim-tədrisə cəlb edilmiş və kursu müvəffəqiyyətlə bitirərək müvafiq Şəhadətnamələr almışdırlar. Onlar hal-hazırda öz təcrübələrini yerlərdə aparılan xidmətdə tətbiq etməkdədirlər.
"AzPolitika.info"
