Rusiyada qatar qəzasında xəsarət alanların sayı artdı - Aralarında azyaşlı da var

Murmansk vilayətində iki qatarın toqquşması nəticəsində xəsarət alanların sayı 22 nəfərə çatıb.

Bizim.Media xəbər verir ki,  bu barədə “İzvestiya” məlumat yayıb.

Bildirilib ki, xəsarət alanlardan üçü azyaşlıdır:

“Hazırda 18 nəfər xəstəxanaya yerləşdirilib, onlardan üçünün vəziyyəti ağırdır”. 

Qeyd edək ki, ötən gün axşam saatlarında Rusiyanın Murmansk vilayətinin cənubunda sərnişin qatarı yük qatarı ilə toqquşub. Murmanskdan Sankt-Peterburqa gedən sərnişin qatarı Knyazhaya stansiyasına çatan zaman yük qatarı ilə toqquşub. Hadisə nəticəsində üç vaqon relsdən çıxıb.

Bizim.Media

• Xəsarət
• Toqquşma
• Murmansk
• Qatar Qəzası