Ukraynaya qarşı döyüşmək üçün Rusiyaya göndərilən Şimali Koreya əsgərlərindən ən azı 100-ü qarşıdurmalarda həyatını itirib, 1000 hərbçi isə yaralanıb.
“AzPolitika” xəbər verir ki, bu barədə Cənubi Koreyanın Kəşfiyyat Xidməti məlumat yayıb.
Bildirilib ki, Şimali Koreya qoşunları cəbhə xəttində hücum qüvvəsi kimi istifadə olunduqları və pilotsuz uçuş aparatının (PUA) hücumlarına qarşı müdafiə olunmağı bacarmadıqları üçün qısa müddətdə çoxlu itkilər verib.
Qeyd edək ki, qeyri-rəsmi məlumatlara görə, Şimali Koreya Rusiyaya 11 min hərbçi göndərib.
“AzPolitika.info”
