NATO-nun Müdafiə Qərargah Rəislərinin tərəfdaşlarla görüşü 15-16 yanvar 2025-ci il tarixlərində Brüsseldə keçiriləcək.
Bu barədə Şimali Atlantika Alyansının mətbuat xidməti məlumat yayıb.
“NATO-nun ali hərbi orqanı olan Hərbi Komitə 2025-ci il yanvarın 15 və 16-da Brüsseldə toplaşacaq. NATO komandirləri NATO-nun tərəfdaş ölkələrindən olan 20-dən çox həmkarı ilə görüşəcək”, - deyə məlumatda bildirilir.
Mətbuat xidməti qeyd edib ki, görüş zamanı qərargah rəisləri kollektiv müdafiə, Ukraynaya dəstək, eləcə də Qlobal Cənub və Hind-Sakit okean regionu ölkələrində təhlükəsizlik məsələləri ilə bağlı mövzuları müzakirə edəcəklər.
