Yaxın zamanlarda cəzaçəkmə müəssisələrində ali təhsil verilməsi planlaşdırılır.
Bunu "Cəza Çəkmiş Qadınların Cəmiyyətə Qayıdışı" İctimai Birliyinin sədri Firuzə İsgəndərova "V Kitabqurdu məhkum qadınların oxu marafonu" adlı layihənin keçirilməsinə həsr olunmuş tədbirdə jurnalistlərə açıqlamasında deyib.
Onun sözlərinə görə, hazırda cəzaçəkmə müəssisələrində ali təhsil verilməsi məsələsi barədə danışıqlar gedir:
"Türkiyədə artıq bu təcrübə tətbiq olunub. Bizim də təhsil haqqında qanunumuzda distant təhsil anlayışı var. Ümumi statistika göstərir ki, cəzaçəkmə müəssisələrindəki şəxslərin 98 faizi təhsilsizdir. COVİD19 dövründə tətbiq edilən bu təcrübəni indi də cəzaçəkmə müəssisələrində sınamaq istəyirik".
F.Cəlilova bildirib ki, gələn ildən etibarən, təkcə qadınlarla deyil, məhbus kişilər və yeniyetmələrlə də oxu marafonu təşkil olunacaq.
© Report
