Oğuzda avtomobil ağaca çırpılıb, xəsarət alanlar var.
Hadisə rayonun Bayan kəndi ərazisində baş verib.
Oğuz rayon sakini 18 yaşlı Kənan Ellazovun idarə etdiyi “BMW” markalı minik avtomobili idarə etmədən çıxaraq yolun kənarındakı ağaca çırpılıb. Qəza nəticəsində sürücü Kənan Ellazov və avtomobildə olan sərnişin 37 yaşlı Oğuz rayon sakini Qafqaz Əsgərov xəsarət alıblar.
Yaralılar Oğuz Rayon Mərkəzi Xəstəxanasına (RMX) yerləşdiriliblər. K. Ellazov və Q. Əsgərova Oğuz RMX-da ilkin yardım göstərildikdən sonra müayinə və müalicələrini davam etdirmək üçün Şəki Rayon Mərkəzi Xəstəxanasına (RMX) göndəriliblər.
Faktla bağlı Oğuz rayon Polis Şöbəsində araşdırma aparılır.//APA
