İtaliya diktatoru Benito Mussolininin nəticəsi Romano Floriani Mussolini peşəkar karyerasında ilk qolunu vurub.
İdman.biz xəbər verir ki, 21 yaşlı futbolçu "Yuve Stabia"nın B seriyasında "Çezena"ya 1:0 hesabı ilə qalib gəldiyi oyunda qələbə topunun müəllifi olub.
O, bir müddət əvvəl “Latsio”nun gənclər akademiyasında özünü göstərməyə başlayıb və 2024-cü ilin yayından icarə əsasında “Yuve Stabia”nın formasını geyinir. Futbolçu İtaliya mətbuatına Romano Floriani deyil, Romano Mussolini adlandırılmasını istədiyini bildirib.
Qol vurduqdan sonra adı stadionda elan olunduğu zaman azarkeşlərin baba Mussolini dövründə faşistlər tərəfindən istifadə edilən “Roma salamı” nümayiş etdirmələri diqqəti çəkib.
İdman.biz
