Toretskdə vəziyyət çox ağırdır, hər ev üçün rus işğalçıları ilə döyüşlər gedir.
Turkustan.az xəbər verir ki, bu sözləri Ukraynanın Luqansk əməliyyat-taktiki qrupunun mətbuat katibi Anastasiya Bobovnikova deyib.
Onun sözlərinə görə, bu günlər rus ordusu 11 hücum həyata keçirib, onlardan bəziləri hələ də davam edir:
“Əslində burada vəziyyət çox gərgindir. Hər ev üçün döyüşlər gedir. Haradasa bir evi ələ keçirirlərsə, ertəsi günü biz artıq bu evi geri alırıq”.
O qeyd edib ki, rus qoşunları əvvəllər bu istiqamətdə texnikadan istifadə etmirdilər, lakin indi texnikalardan Toretsk şəhərinin şimal kənarında, Nelipovkada yararlanırlar:
“Son 24 saat ərzində orada zirehli döyüş maşınları və motosikletlərdən istifadə etməklə döyüşlər gedib. Biz bunu əvvəllər görməmişdik, amma indi düşmən fəallaşıb”. /axar.az/
