Bu gün futzal üzrə Azərbaycan çempionatında (Yüksək Liqa) 2023/2024 mövsümünün 13-cü turun oyunları keçirilib.
Arena.az xəbər verir ki, tura liderlə ən yaxın izləyicisinin dueli ilə start verilib.
“Araz-Naxçıvan” beş qolun qeydə alındığı “Baku Fire” ilə oyundan inamlı qələbə ilə ayrılaraq zirvədəki mövqeyini daha da möhkəmləndirib. Belə ki, Naxçıvan təmsilçisi ən yaxın izləyicisi ilə xal fərqini 7-yə çatdırıb.
“Record”la qarşılaşan “Neftçi” isə cari mövsümdə ən böyükhesablı qələbəni aktivinə yazdırıb. Reza Abgoun 23 qol vurmaqla bombardirlər yarışında Kənan Manafovu geridə buraxıb.
Turun son oyunu da maraqlı olub. Turnir cədvəlinin qonşu pillələrində yer alan komandaların duelini daha təcrübəli futzalçılardan qurulmuş “Yasamal Bakı” qazanıb.
Yüksək Liqa
13-cü tur
22 fevral
Araz-Naxçıvan – Baku Fire 4:1
Qollar: Lukas Romao, 3:15; 22:30. Diaqo Auqusto, 30:28. Xəzər Ağalızadə, 39:23 – Elvin Quliyev, 6:59.
Hakimlər: Əli Cəbrayılov, Hikmət Qafarlı, Kənan Məlikov.
Hakim-inspektor: Elçin Səmədli.
Bakı İdman Sarayı. Saat 14:00.
Record – Neftçi İK 3:36
Qollar: Emin Məhərrəmli, 35:10; Nahid Mirzəzadə, 37:23; 38:15 – Şahbaz Həndəmli, 1:06; 15:34; 17:03; 22:15. Fərid Atakişiyev, 2:36. Alireza Bayat, 3:39; 28:07. Reza Abgoun, 6:03; 10:12; 11:17; 11:59; 13:05; 14:57; 16:29; 19:02; 19:17; 19:35; 19:48; 21:15; 26:05; 26:30; 27:17; 27:53; 28:50; 33:20; 34:10; 34:20; 35:53; 39:44; 39:59. Vahib Xocayev, 8:27; 20:33; 21:33; 36:58. Sorouş Heydari, 18:48.
Hakimlər: Mahir Məmmədov, Vüsal Balaşov, Elgün Hüseynov.
Hakim-inspektor: Mehman Mahmudov.
Bakı İdman Sarayı. Saat 16:15.
U-19 – Yasamal Bakı 5:7
Qollar: Qüdrət Qasımzadə, 2:09; 15:25. Rüfət Məmmədli, 22:36. Ümid Qəhrəmanov, 38:27. Təhmiraz Abasov, 39:56-öz qapısına – Anar İsayev, 12:52. Rüstəm Bağırov, 17:08; 32:15. Əsgər Abasov, 17:57; 26:00. Fuad Məmmədzadə, 28:19. Adil İsmayılov, 37:48.
Hakimlər: Ziya Nəsirov, Nahid Xasıyev, Məmmədəli Kərimov.
Hakim-inspektor: Əfqan Həmzəyev.
Bakı İdman Sarayı. Saat 18:15.
Xallar: Araz-Naxçıvan – 31. Baku Fire – 27. Neftçi İK – 23. Yasamal Baku – 11. U-19 – 6. Record – 4.
