HƏMAS və İsrail arasında atəşkəs danışıqları davam edərkən ABŞ sensasion addım atıb.
Yenicag.az xəbər verir ki, Bayden administrasiyası İsrailə 2000 və 500 funtluq bombaların göndərilməsini Rafahda böyük quru əməliyyatında istifadə olunacağı qorxusu ilə dayandırıb. Bu o deməkdir ki, ABŞ oktyabrın 7-dən bəri ilk dəfə olaraq İsrailə ayırdığı silah tədarükünü təxirə salıb.
İsrailin Qəzza zolağına hücumu oktyabrın 7-dən intensivliyi artır. Müharibənin 215-ci günündə ABŞ ilk dəfə fərqli addım atıb. Birləşmiş Ştatlar son aylarda potensial Rəfah əməliyyatı ilə bağlı narahatlıqlarını ifadə etmək və İsrailin genişmiqyaslı işğal etməkdənsə, şəhərdə HƏMAS-ı necə hədəfə ala biləcəyinə dair alternativlər təklif etmək üçün yüksək vəzifəli İsrail rəsmiləri ilə bir neçə virtual görüş keçirib.
Bayden administrasiyasının yüksək səviyyəli rəsmisi “The Times of Israel” qəzetinə verdiyi açıqlamada bu danışıqların davam edəcəyini, lakin Ağ Evin narahatlıqlarını çatdırmaq üçün kifayət etmədiyini müəyyən etdiyini bildirib.
“İsrail liderləri keçən ay belə bir əməliyyatla bağlı qərara gəlməyə yaxınlaşdıqca, biz Rafahda istifadə oluna biləcək bəzi silahların İsrailə təhvil verilməsi təklifini diqqətlə araşdırmağa başladıq”, – deyə rəsmi bildirib.
Qəzzada davam edən humanitar böhranda ABŞ rəhbərliyi bu dəfə qeyd-şərtsiz dəstək verdiyi İsrailə embarqo qoyub. Bu hadisə o deməkdir ki, ABŞ oktyabrın 7-dən bəri ilk dəfə olaraq İsrailə ayırdığı silah göndərişini təxirə salıb.
