Oxu24.com vilayət hökumətinin bəyanatına istinadən xəbər verir ki, Rusiya Federasiyasının Yaroslavl vilayətində infrastruktur obyektləri pilotsuz uçuş aparatları ilə hücuma məruz qalıb.
Rusiya Müdafiə Nazirliyinin bölmələri, hüquq-mühafizə orqanları və regional hakimiyyət orqanları hücumun qarşısını almaq və sakinlərin təhlükəsizliyini təmin etmək üçün tədbirlər görüb. Hücumun vaxtı, yeri və nəticələri barədə məlumat verilmir.
Regional hökumət bildirib ki, görülən tədbirlərlə əlaqədar M-8 federal magistral Moskva - Arxangelsk müvəqqəti olaraq bağlanıb.
Rusiya Müdafiə Nazirliyi bəyan edib ki, bazar ertəsi gecə Bryansk vilayətinin ərazisi üzərində növbətçi hava hücumundan müdafiə sistemləri tərəfindən dörd PUA tutularaq məhv edilib.
Kursk vilayətinin qubernatoru vəzifəsini icra edən Aleksey Smirnov bildirib ki, “Axşam və gecə Ukrayna Silahlı Qüvvələri Kursk vilayətinin sərhədyanı ərazilərinə pilotsuz təyyarələrlə hücum etməyə cəhd edib”.
Onun sözlərinə görə, Ukrayna hərbçiləri kamikadze pilotsuz uçan aparatlardan, kvadrokopterlərdən və “ağır səkkiz rotorlu oktokopterdən” istifadə ediblər, nəticədə iki inzibati bina - Sudja şəhəri və Korenevo kəndində zədələnib. Ölən və yaralananlar olmayıb. Smirnov atıcı silahlar və elektron vasitələrdən istifadə etməklə səkkiz pilotsuz təyyarənin məhv edildiyini və zərərsizləşdirildiyini bildirib. Rusiya Müdafiə Nazirliyinin səhər hesabatında onların heç biri qeyd olunmayıb.
Miri
