Yayın istisindən təkcə insanlar deyil, telefonlar da əziyyət çəkir. Onlar həddindən artıq qızır, batareya daha tez boşalır və proqramlar xəta verməyə başlayır. Bəs, isti havalarda mobil cihazların isinməsinin qarşısını necə ala bilərik?
Azpost.info xəbər verir ki, mütəxəssislərə görə, cihazın həddən artıq isinməməsi üçün smartfonu günəş altında qoymamalısınız.
“Cihaz qızdıqda yapışqan yayıla bilər. Müasir cihazlar isti yay şəraitində sakit işləyir, sadəcə onları günəş şüaları altında saxlamaq lazım deyil. Cihaz həddən artıq qızarsa, o, əvvəlcə öz-özünə bəzi funksiyaları söndürəcək, sonra isə özü sönəcək”, – mütəxəssislər xəbərdarlıq edir.
Smartfondan istifadə üçün optimal temperatur otaq temperaturudur. Yayda qadcetinizi günəşdə qoysanız, o, çox isinəcək və bu zaman sönə də bilər. Bu, batareyaya və ekrana daa zərər verə bilər.
İsti havalarda korpusu və qoruyucunu çıxarmaq tövsiyə olunur. Bu aksesuarlar cihazı qorumaq üçün nəzərdə tutulub, lakin hava sirkulyasiyasına və təbii soyutmaya mane ola bilər.
Smartfonunuzdan oyunlar və ya videolar kimi çoxlu resurs tələb edən proqramları söndürməlisiniz. Bu proqramlar cihazınızın həddindən artıq isinməsinə və xarab olmasına səbəb ola bilər.
Həmçinin, şarj edərkən telefonunuzdan istifadə etməyin. Prosesin özü və eyni zamanda bir çox proqramın işə salınması telefonu çox qızdırır.
Həmçinin, smartfonunuzu çox soyuq yerə (soyuducu və ya dondurucu) qoymayın.
Yadda saxlamaq lazımdır ki, otaq temperaturu yüksək olarsa, smartfonunuzu divan, kreslo, stul və ya çarpayıya qoymamalısınız. Bu, cihazın həddindən artıq isinməsinin qarşısını almağa kömək edəcək.
Orijinal şarj cihazlarından istifadə edin, çünki ucuz olanlar cihazın həddindən artıq istiləşməsinə səbəb ola bilər. Bu tip şarj cihazının telefonu doldurması daha uzun çəkə və batareyanın temperaturu yüksələ bilər.
Yayda batareya qənaət rejimini yandırmalısınız. Bu halda smartfon bütün xidmətlərə çıxışı mümkün qədər məhdudlaşdırır, avtomatik olaraq ekran parlaqlığını azaldır və minimum enerji sərf edir.
Azpost.info
