Millilərimiz yoldaşlıq oyununda üz-üzə gəldi

Bakıda təlim məşq toplanışında olan oğlanlardan ibarət basketbol üzrə U-16 və U-18 millilərimiz yoldaşlıq oyununda üz-üzə gəliblər.

Texniki Universitetin idman zalındakı qarşılaşma U-16 yığmasının qələbəsi ilə yekunlaşıb - 65:58.

Yeniyetmələrin hazırlıq prosesindəki əsas məqsədi müvafiq olaraq 9-14 iyul aralığında Albaniyanın paytaxtı Tirana və iyulun 23-dən 28-dək eyni ölkənin Elbasan şəhərində keçiriləcək Avropa çempionatı C divizionunun oyunlarına hazırlaşmaqdır.

Qeyd edək ki, U-16 millisinin toplanışı iyulun 6-da, digər komandanın isə iyulun 15-də başa çatacaq.

• milli yığma
• Albaniya
• yoldaşlıq oyunu
• basketbol
• qalib
• U-16
• U-18
• Tirana
• Texniki Universitet
• Elbasan