1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
Keniyalı idmançı Feyt Kipyeqon Brilliant Liqa yarışında qadınlar arasında 1500 metr məsafəyə qaçışda 3 dəqiqə 49.04 saniyəyə finişə çataraq öz dünya rekordunu yeniləyib.
Yarış Parisdəki "Şarleti" stadionunda baş tutub.
Qaçışçı 2023-cü ilin iyununda Florensiyada müəyyən etdiyi əvvəlki dünya rekordunu 0.07 saniyə üstələyib.
Keçən dəfə idmançı bu məsafəni 3 dəqiqə 49.11 saniyəyə qət edə bilib ki, bu da efiopiyalı Qenzebe Dibabanın 1991-ci ildə əldə etdiyi rekorddan 0.96 saniyə daha sürətli olub.
Qeyd edək ki, Kipyeqonun hesabında iki Olimpiya qızıl medalı (2016, 2020) və iki dünya çempionluğu qələbəsi (2017, 2022) var.
Mənbə: Barrons
