1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
Planetin ən yaşlı sakinlərindən biri, Cənubi Afrikadan olan 111 yaşlı Ben Ngemani Mabuza uzunömürlülüyünün sirrini açıb.
O əmindir ki, sadə pəhrizə riayət etmək ona uzun müddət yaşamağa və xəstələnməməyə kömək edir.
"Mən hər gün yulaf, ət və Afrika ispanağının yabanı növü olan moroqo yeyirəm", - deyə Mabuza bildirib.
Ailə və dostlar Mabuzanı "Ben baba" adlandırırlar. O, həyat yoldaşı və 12 uşağının ölümünə şahidlik edib. İndi kişi nəvələri ilə yaşayır, onlardan birinin 44, ikincisinin isə 27 yaşı var. 40-a yaxın nəvənin babası və ulu babasıdır.
Ben baba təkid edir ki, özünü yaxşı hiss edir və heç vaxt ciddi xəstəliyə tutulmayıb. Ola bilsin ki, o, tezliklə planetin ən yaşlı sakini kimi Ginnesin Rekordlar Kitabına düşsün. Hazırda rekordçu Mabuzadan cəmi bir yaş böyük olan britaniyalı Con Alfred Tinnisvuddur.
Mənbə: kp.ru
