Rusiya Mərkəzi Bankı əsas uçot dərəcəsini 18%-ə qaldırıb.
Marja.az xəbər verir ki, bu, son 7 ayda ilk faiz artımıdır. Ötən ilin dekabrından bu yana uçot dərəcəsi 16% səviyyəsində qalırdı.
Ekspertlər də uçot dərəcəsinin 18%-ə yüksələcəyini gözləyirdilər.
Son aylar Rusiyada inflyasiya yenidən sürətlənib.
Rusiya Mərkəzi Bankının Direktorlar Şurası inflyasiya və orta uçot dərəcəsi ilə ortamüddətli proqnozlarını da yeniləyib.
-İnflyasiya proqnozu 4,3-4,8% -dən 6,5-7%-ə qaldırılıb;
-Orta uçot dərəcəsi üzrə proqnoz 2024-cü il üçün 15-15%-dən 16,9-17,4%-ə, 2025-ci il üçün isə 10-12%-dən 14-16%-ə yüksəlib.
Rusiya Mərkəzi Bankının növbəti iclası 13 sentyabr 2024-cü il tarixində keçiriləcək.
