Maks Ferstappen Alonsonu tarixin ən yaxşı sürücülərindən biri hesab edir. “Red Bull” sürücüsünün sözlərinə görə, Fernandonun bəxti komanda seçimində gətirməyib.
“Alonso komanda seçimi ilə karyerasında daha şanslı olsaydı, indi səkkiz titul qazana bilərdi.
Söhbət yalnız titulların sayından getmir – və bu, istənilən idman növünə aiddir. Bir oyunçunun altı Çempionlar Liqası titulu varsa, həmin futbolçunu digərindən daha yaxşı saymaq olarmı? Və ya kimsə iki dəfə futbol üzrə dünya çempionu olubsa. Əlbəttə ki, bu, belə deyil. Axı, uğur komandanın səyini tələb edir, hər şey nəticə verməlidir. Buna görə də hesab edirəm ki, Alonso F1 tarixinin ən yaxşı sürücülərindən biridir.
Yarışlarda qalib gəlmək üçün düzgün bolid lazımdır. Təəssüf ki, Fernandonun həmişə belə maşını olmayıb. Fernando həm də çoxyönlü pilotdur, Formula 1, Dakar, dözümlülük yarışlarında mübarizə aparıb. O, bütün sahələrdə həmişə sürətli olub. Çox az sürücü buna qadirdir”, – deyə niderlandlı sürücü bildirib.
