Bakıda yaşayış binasının damı uçub, mənzil yararsız vəziyyətə düşüb.
Day.Az xəbər verir ki, hadisə paytaxtın Səbail rayonu, Bayıl qəsəbəsində baş verib.
Hadisə nəticəsində evdəki əşyalar yerlə bir olub. Ev sahibi Məmmədəli Hümmətov bildirir ki, mənzildə olan hər şey sıradan çıxıb.
Dağlı küçəsi ev 24-ün 30 illik sakini Məmmədəli Hümmətov hadisə baş verən an evdə olduğunu deyir.
Onun sözlərinə görə, 119 yaşlı ikimərtəbəli yaşayış binasının qəzalı vəziyyətdə olması ilə bağlı rəy 2000-ci ildə verilsə də, binanın 60-a yaxın sakini hələ də burada yaşayır.
Binanın digər sakinləri də eyni halla üzləşə biləcəklərindən narahatdırlar.
Sakinlərin üzləşdiyi problemlə bağlı Səbail Rayon İcra Hakimiyyətinə sorğu ünvanladıq. Bildirildi ki, baş vermiş hadisə ilə bağlı aidiyyəti qurumun nümayəndələri əraziyə dəvət olunub. Məsələ ilə əlaqədar artıq icra hakimiyyəti tərəfindən aidiyyəti qurumlara rəsmi müraciətlər ünvanlanıb.
Xezerxeber.az mövzu ilə bağlı daha ətraflı videomaterialı təqdim edir.
