Parisdə keçirilən Yay Paralimpiya Oyunlarında maraqlı anlar yaşanıb.
Publika.az xəbər verir ki, italiyalı qaçışçı Alessandro Ossola 100 metr məsafəyə qaçışdan sonra sevgilisinə evlilik təklif edib. Göstərdiyi nəticə ona finala yüksəlməyə imkan verməsə də, Ossola finişə çatdıqdan dərhal sonra sevgilisinin olduğu tribunaya yaxınlaşıb.
“O, mənə dedi ki, sən dəlisən. Sonra məni öpdü, bu, həqiqətən də həyəcanverici idi. Finala çıxa bilmədiyim üçün bəxtim gətirmədi və buna çox üzüldüm. Amma üç dəqiqədən sonra həqiqətən xoşbəxt oldum”, - deyə o, italiyalı jurnalistlərə söyləyib.
Alessandro həmçinin sevgilisinin ona “hə” dediyini bildirib.
