Kanadanın Ontario şəhərində yaşayan 58 yaşlı Wendy Washick, uşağı ilə oynayan zaman ehtiyatsızlıqdan qonşusunun sinəsinə su tapançası ilə vurub. İndi o, silahlı hücum etməkdə ittiham olunur.
Milli.Az sfera.az-a istinadən bildirir ki, Wendy Washick ot biçən qonşunun sinəsinə su tapançası vurub. Kişi polisə zəng edərək "fiziki hücuma məruz qaldığını" bildirib.
Sentyabrın 1-də Wendy Washik uşaqları ilə həyətdə manqal zamanı oynayarkən qonşusu ot biçirmiş. Wendi bu zaman təsadüfən qonşunun sinəsinə su tapançası vurub. O, dərhal üzr istədiyini iddia edir, lakin kişi ona qışqırmağa davam edib və bir anda polisə zəng edərək "fiziki hücuma məruz qaldığını" bildirib.
58 yaşlı qadın deyir: "Mənə bircə sual da vermədilər. Məndən onlara su tapançası göstərməyimi istəmədilər. Bir dənə də olsun sual soruşmadılar. Ərim çaşıb qalmışdı".
Yerli jurnalistlərdən hücumda istifadə edilən silahın su tapançası olduğunu təsdiqləməyi xahiş edən Ontario əyalət polisinin sözçüsü işin təfərrüatlarını şərh etməyin yersiz olduğunu deyib.
Bu hadisə Wendy Washick və ailəsinə çox pis təsir edib. O, Məktəb Şurasında təhsil üzrə köməkçi kimi işlədiyi üçün iş həll olunana qədər işə qayıda bilməz.
Qadın sentyabrın 24-də məhkəmə qarşısına çıxacaq. Ailə vəkillik xərcləri üçün pul toplamağa çalışır, lakin onun ittihamlarının xarakteri məsələni çox çətinləşdirir.
Milli.Az
Xəbərlərimizi WhatsApp kanalımızdan da oxuyun
