Xiaomi şirkəti Xiaomi 15 smartfon seriyasının təqdimatını anons edib. Şirkət tərəfindən təqdim edilmiş posterə əsasən Xiaomi 15 smartfon seriyası 23 oktyabr tarixində təqdim ediləcək. Lakin təqdim edilmiş posterdə daha bir maraqlı məqam qeyd edilib. Belə ki, posterə əsasən Xiaomi 15 smartfonları Snapdragon 8 Elite adlı prosessor vasitəsilə çalışacaqlar. Görünür, gələn ay təqdim olunacaq yeni flaqman Snapdragon prosessoru Snapdragon 8 Gen 4 əvəzinə Snapdragon 8 Elite adını əldə edəcək. Qeyd etmək lazımdır ki, Xiaomi 15 seriyasına minimum iki model daxil olacaq Xiaomi 15 və Xiaomi 15 Pro. Xiaomi 15 Ultra-nın isə gələn il təqdim olunacağı gözlənilir.
