Nyu-York meri Erik Adams, Türkiyə vətəndaşlarından rüşvət almaqda və qeyri-qanuni seçki kampaniyası ianələri toplamaqda ittiham olunub.
Bizimxeber.az bildirir ki, Manhetten federal məhkəməsində verdiyi ifadədə, Adams günahsız olduğunu bildirib. İttihamlar arasında rüşvətxorluq və məftil dələduzluğu da var.
Adamsın vəkili, gələn həftə ittihamların rədd edilməsi üçün vəsatət qaldıracağını açıqlayıb. O, ittihamların Adamsın işçilərindən birinin iddialarına əsaslandığını və bunun real hadisə olmadığını vurğulayıb.
İttihamnamədə, Adamsın Türkiyənin diplomatlarından və iş adamlarından qeyri-qanuni yolla kampaniya ianələri aldığı, həmçinin lüks səyahət imtiyazları əldə etdiyi bildirilir.
Bunun müqabilində Adamsın Türkiyənin yeni konsulluğunun təhlükəsizliklə bağlı narahatlıqlara baxmayaraq açılmasına icazə verdiyi iddia edilir.
Prosesin gedişatı və Adamsın növbəti məhkəməsi oktyabrın 2-nə təyin edilib.
