"Qarabağ"ın Avropa Liqasının Liqa mərhələsindəki rəqibi "Ayaks" Niderland çempionatında 7-ci tur oyununa çıxıb.
QOL.az xəbər verir ki, komanda səfərdə "Valveyk"lə qarşılaşıb. Matç qonaqların 2:0 hesablı qələbəsi ilə başa çatıb.
"Valveyk" - "Ayaks" - 0:2
Qollar: Traore, 76, Qodts, 90+4
"Ayaks" 10 xalla (5 oyun) 5-ci pillədə qərarlaşıb. Siyahıya 21 xalla (7 oyun) PSV başçılıq edir.
Qeyd edək ki, "Qarabağ"ın "Ayaks"la görüşü oktyabrın 24-də, Tofiq Bəhramov adına Respublika Stadionunda keçiriləcək.
