“Bank Respublika”dan kredit götürən müştərilər həyat sığortası əldə edə biləcəklər
Ölkənin aparıcı banklarından biri olan Bank Respublika, kredit götürən müştərilərinə yeni “Kredit Həyat Sığortası” məhsulunu təqdim etdi.
Kredit Həyat Sığortası - kredit müddəti boyunca kreditgötürənin vəfat etməsi və ya xəstəlik, bədbəxt hadisə nəticəsində əlilliyinin yaranması hallarında borcun sığorta şirkəti tərəfindən ödənilməsini təmin edəcək. Bu sığorta növü ailənizi və yaxınlarınızı sizin banka olan kredit borcunuza görə məsuliyyət daşımaqdan azad edəcək.
Qeyd edək ki, müştəri özü könüllü olaraq Kredit Həyat Sığortası məhsulunu əldə edib-etməməyi seçəcək və bu kreditin verilməsi ilə bağlı yekun qərara təsir göstərməyəck.
