Azərbaycanın 21 yaşadək futbolçulardan ibarət yığmasının Avropa çempionatının seçmə mərhələsində Şimali İrlandiyaya qarşı səfər oyununun təyinatları açıqlanıb.
Sportnet.az UEFA-nın rəsmi saytına istinadən xəbər verir ki, görüşü Farer adalarından olan hakimlər briqadası idarə edəcək.
Matçın baş hakimi Heyni Ziskason Vidoy olacaq. Ona yan xətt hakimləri Den Petur Pauli Hoyqaard və Yan Hermansen kömək edəcəklər. Dördüncü hakim funksiyasını isə Byarki Danielsen yerinə yetirəcək.
Qeyd edək ki, oktyabrın 12-də keçiriləcək qarşılaşma Bakı vaxtı ilə saat 18:00-da başlayacaq.
