Norveç Nobel Komitəsi bildirib ki, Xirosima və Naqasakiyə atılan atom bombalarından sağ çıxan insanlardan ibarət Yaponiyanın Nihon Hidankyo təşkilatı 2024-cü ildə Nobel Sülh Mükafatına layiq görüləcək.
Sitat.info-nun xarici mediaya istinadən xəbərinə görə, Komitə bildirib ki, hərəkat "nüvə silahlarından azad bir dünyaya nail olmaq səylərinə və şahid ifadələri ilə nüvə silahından bir daha heç vaxt istifadə edilməməli olduğunu nümayiş etdirdiyinə görə" layiq görülüb.
Nihon Hidankyo, ABŞ tərəfindən Xirosima və Naqasakiyə atılan atom bombalarından sağ çıxanların yapon təşkilatıdır. 1956-cı ildə yaradılıb və Yaponiyanın bütün 47 prefekturasında yerləşir. Hərəkatın əsas məqsədləri arasında "nüvə müharibəsinin qarşısının alınması və nüvə silahının ləğvi, o cümlədən onların tamamilə qadağan edilməsi və ləğvi üçün beynəlxalq müqavilənin imzalanması" daxildir. Bundan əlavə, Hidankyo üzvləri bütün atom bombası qurbanları üçün hökumət ödənişlərini və Tokionun qurbanlara qarşı mövcud siyasətində təkmilləşdirmələri müdafiə edirlər. Təşkilat 1985-ci ildən bəri bir neçə dəfə Nobel Sülh Mükafatına namizəd göstərilib.
Nigar,
Sitat.info
