Keçmiş prezident Barak Obama prezidentliyə namizəd, vitse-prezident Kamala Harrisə dəstək olmaq üçün oktyabrın 10-da Pitsburqda kampaniyaya yollanıb.
Moderator.az bu haqda "Mignews"-a istinadla xəbər verir.
Pensilvaniya kimi mühüm əyalətlərdə səsvermələrin sərtləşməsi ilə Harrisin kampaniyası Obamanın varlığının seçiciləri gücləndirəcəyinə və qələbə üçün lazım olan mühüm döyüş meydanlarında şansını artırmağa kömək edəcəyinə ümid edir. Son sorğular keçmiş prezident Donald Trampın reytinqində də irəliləyiş olduğunu göstərib.
Çıxışında Obama Harrisin yeni doğulmuş uşaqların valideynlərinə 6000 ABŞ dolları dəyərində uşaq vergi krediti verməsi ilə bağlı təklif etdiyi siyasəti yüksək qiymətləndirib və bildirib ki, bu, azyaşlı uşaqların böyüdülməsi xərcləri ilə mübarizə aparan ailələrə maliyyə yardımı göstərəcək.
Bu təklif Amerika Xilas Planı çərçivəsində müvəqqəti olaraq təklif edilən hər uşaq krediti üçün 3600 dollardan kənara çıxır.
Obama Harrisin planının faydalarını vurğulayaraq, "O, beşik, avtomobil oturacağı və ya uşaq bezləri("pampers") kimi əşyaların alınmasını asanlaşdırmaq istəyir" deyib.
Keçmiş ABŞ prezidenti daha sonra 1998-ci ildə ilk qızı Maliya anadan olanda uşaq bezlərinin baha olması ilə bağlı şəxsi hekayəsini bölüşüb. "Mən uşaq bezlərininecə dəyişdirdiyimi xatırlayıram" dedi və "Necə düşünürsüz, Donald Tramp nə vaxtsa bezlərini dəyişibmi?"
Camaat gülməyə başlayıb və tamaşaçılardan biri zarafatla cavab verib “Özününküləri!" Obama gülüb və zarafatdan aydın şəkildə əylənən tamaşaçıya işarə edib və gülümsəyərək deyib: "Mən az qala bunu deyəcəkdim, amma bunu deməməyə qərar verdim".
