ABŞ-ın vitse-prezidenti Kamala Harrisin Macarıstanın baş naziri Viktor Orban və macarları təhqir etməsi qəbuledilməzdir və Vaşinqtonun NATO müttəfiqlərinə qarşı hörmətsizliyini göstərir. Bu barədə RİA Novosti-yə Macarıstanın xarici işlər naziri Peter Siyarto bildirib.
“Əvvəla, bu, qalmaqaldır. Baş nazirim haqqında belə danışmaq qalmaqaldır. Bu qəbuledilməzdir. Bu, təkcə baş nazirə deyil, həm də macar xalqına qarşı tam hörmətsizlikdir”, - Siyarto bildirib.
O, Orbanın 14 ildir Macarıstana rəhbərlik etdiyini və onun hakimiyyətə gəlməsinin həmişə macar xalqının seçimi olduğunu xatırladıb. Siyarto əlavə edib ki, Macarıstan və macar xalqı amerikalılara və ABŞ-a hörmət edir, lakin özlərinə də eyni hörməti tələb edirlər.
Söhbət ABŞ-ın vitse-prezidenti və qarşıdan gələn seçkilərdə namizədin Viktor Orbanı, eləcə də Rusiya prezidenti Vladimir Putini və bir neçə başqa siyasətçini şəxsən təhqir etdiyi Harrisin Stiven Kollbertlə “Late Show” verilişinə müsahibəsindən gedir.
Bundan əvvəl Kamala Harris prezident kimi Co Baydendən nə ilə fərqlənəcəyini izah edə bilməyib.
Oxuməni.az
