1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
Portuqaliya prokurorları korrupsiya işi ilə bağlı "Benfika"nın altı aydan üç ilədək idman yarışlarından uzaqlaşdırılmasını tələb edirlər.
Oxu.Az xəbər verir ki, bu barədə Portuqaliya mətbuatı məlumat yayıb.
Klubun keçmiş prezidenti Luis Filipe Vieyra, keçmiş hüquq müşaviri Paulo Qonsalveş korrupsiya və vergi fırıldaqlarında ittiham olunurlar.
İttihamlar 2016-cı ildən 2019-cu ilə qədər olan dövrü əhatə edir. Prokurorlar "Benfika"nı pulların yuyulması üçün futbolçuları nağd vəsait qarşılığında "Vitoriya"ya satdığını iddia edirlər.
Qeyd edək ki, "Benfika" Portuqaliyanın ən titullu futbol klubudur. Komanda 38 dəfə ölkə çempionatının qalibi olub (ən son 2023-cü ildə).
Bu mövsüm "Benfika" Portuqaliya çempionatının yeddi turundan sonra 16 xal toplayaraq üçüncü pillədə qərarlaşıb. Klubun Çempionlar Liqasında da iki qələbəsi var.
