Amerikalı milyarder İlon Mask son 3 ayda ABŞ prezident seçkilərində Respublikaçılar Partiyasının namizədi Donald Trampın seçki kampaniyasına ümumilikdə 75 milyon dollar ianə edib. SİA xarici KİV-ə istinadən xəbər verir ki, Federal Seçki Komissiyasının hazırkı məlumatlarına görə, amerikalı milyarder Mask iyul-avqust-sentyabr aylarını əhatə edən dövrdə Trampın seçki kampaniyasına ümumilikdə 75 milyon dollar ianə edib.
Dəfələrlə Trampa dəstəyini ifadə edən və bu yaxınlarda Respublikaçı namizədin seçki mitinqinə qatılan Mask yayda Trampın ianələrinin artırılmasında təsirli olub.
Məlumatlara görə, Demokrat namizəd Kamala Harris son 3 ayda ümumilikdə 678 milyon dollar, Respublikaçı Tramp isə ümumilikdə 310 milyon dollar ianə toplayıb.
