Bu haqda tanınmış insayder Fabritsio Romano məlumat yayıb.
İspaniyalı mütəxəssis hələlik gələcəyi ilə bağlı qərar vermədiyini deyib:
“Gələcəkdə başıma nə gələcəyini görəcəyik. Mən hələ düşünməli və gələcəkdə nə etmək istədiyimə qərar verməliyəm”.
Qvardiolanın MS ilə müqaviləsinin müddəti 2025-ci ilin yayına qədər nəzərdə tutulub. O, baş məşqçi vəzifəsinə 2016-cı ildə təyinat alıb. Komanda Qvardiolanın rəhbərliyi altında 6 dəfə premyer-liqanın, 4 dəfə İngiltərə Liqa Kubokunun, 2 dəfə ölkə kubokunun, ötən il Çempionlar Liqasının, UEFA Superkubokunun və Klublararası Dünya Çempionatının qalibi olub.
Hazırda premyer-liqada 7 oyuna 17 xalla 2-ci yeri tutan “Siti” lider “Liverpul”dan 1 xal geri qalır.
