“Hürriyet”: Xarici işlər naziri Hakan Fidan “Qaranlıq təşkilatın dəstəbaşı öldü, FETÖ ilə mübarizəmiz yenə davam edəcək” dedi
Türkiyənin Xarici işlər naziri Hakan Fidan FETÖ başçısı Fətullah Gülənin ölümü ilə bağlı verdiyi açıqlamada bildirib: "Kəşfiyyat mənbələrimiz FETÖ dəstəbaşı Fətullah Gülənin ölümünü təsdiqləyir: qaranlıq təşkilatın başçısı öldü. Bu ölüm xəbəri bizi rahatlatmır, mübarizəmiz davam edəcək. Xalqımızın tarixində nadir bir təşkilat olan FETÖ bəzi gəncləri öz vətəninə, millətinə, müqəddəs dəyərlərinə xəyanət edən maşın idi”.
“Sabah”: TBMM-nin sədri Kurtulmuş “FETÖ qalıqlarına qarşı mübarizə aparacağıq” dedi
Türkiyə Böyük Millət Məclisinin sədri Numan Kurtulmuş Aydın şəhərində iştirak etdiyi tədbirdəki çıxışında bunları söyləyib: “FETÖ başçısı Fətullah Gülənin ölümüylə getdiyi ömürlük həbsxanada çürüməsini istəyirik. İnanıram ki, sonsuza qədər əzab içində olacaq. Bundan sonra geridə FETÖ qalıqlarına qarşı qətiyyətlə mübarizəmizi davam etdirəcəyik”.
“Star”: Ölkəsinin Zəfər Planını Türkiyəyə təqdim etdi
Türkiyənin Xarici işlər naziri Hakan Fidanla birgə mətbuat konfransında iştirak edən Ukrayna xarici işlər naziri Andrii Sibiha rəsmi Kiyevin ölkəsindəki müharibəni bitirmək üçün hazırladığı Zəfər Planını türkiyəli nazirə təqdim edərək “Sülh istəyən bütün dövlətlərin Birləşmiş Millətlər Təşkilatının (BMT) normalarına uyğun dəstək verməlidir. Türkiyə bu məsələyə töhfə verir” deyib.
“Vatan”: Qaz istehsalında rekorda imza atılacaq
Enerji və Təbii Sərvətlər naziri Alparslan Bayraktar 2025-ci ilin ilk rübündə Sakarya Qaz Sahəsində gündəlik 9,1 milyon kubmetr qaz hasil ediləcəyini və 4 milyon ev təsərrüfatının ehtiyacının qarşılana biləcəyini açıqlayıb.
