Şəmkirdə yol-nəqliyyat hadisəsi baş verib.
APA-nın yerli bürosunun məlumatına görə, hadisə Bakı-Qazax magistral yolunun Şəmkir ərazisindən keçən hissəsində qeydə alınıb. Hərəkətdə olan kiçik tutumlu “Ford Tranzit” markalı yük maşını idarəetmənin itiməsi nəticəsində yoldan çıxaraq dərəyə aşıb.
Maşının sürücüsü 1982-ci il təvəllüdlü B.Bayramov xəsarət alaraq Şəmkir rayon mərkəzi xəstəxanasına yerləşdirilib. Daha sonra Gəncədəki xəstəxanaya hospitalizasiya edilib.
Faktla bağlı araşdırma aparılır.
