Qonaq qismində BRİCS sammitinə yollanan BMT Baş Katibi Antoni Qutierreş səfərini bitirib Ukrayna Prezidenti Volodimir Zelenski ilə Kiyevdə görüşməyi planlaşdırırdı. Amma Zelenski BMT Baş Katibini qəbul etməkdən imtina edib. Ukrayna dövlət rəsmisi anonimliyinin qorunmağı şərtilə bu məsələ barədə "Politico"-ya danışıb:
"O (red: Qutierreş) Putinin əlini sıxır, ona gülümsəyir, onu dəvət etməkdə məqsəd BRİCS sammitini daha da populyarlaşdırmaq idi. Putin ondan istifadə elədi. O da buna sevindi".
Xatırladaq ki, Rusiya Federasiyası Prezidenti Vladimir Putin Beynəlxalq Cinayət Məhkəməsi tərəfindən müharibə cinayətlərində günahlandırılır və rəsmi olaraq axtarışdadır.
EDnews
