Prezidentin xüsusi tapşırıqlar üzrə nümayəndəsi Elçin Əmirbəyov Birləşmiş Krallıqda işgüzar səfərdədir.
“Qafqazinfo” xəbər verir ki, bu haqda Azərbaycanın həmin ölkədəki səfiri Elin Süleymanov “X” hesabında yazıb.
O, qeyd edib ki, E. Əmirbəyov Böyük Britaniyanın milli təhlükəsizlik üzrə müşaviri Tim Barrou, xarici işlər, birlik və inkişaf naziri Stiven Douti, parlamentin üzvləri və digər yüksək vəzifəli şəxslərlə görüşüb.
Bildirilib ki, görüşdə Azərbaycanla Böyük Britaniya arasında ikitərəfli münasibətlər, Azərbaycan-Ermənistan sülh prosesi və COP29 müzakirə olunub.
