AFFA İntizam Komitəsi aşağı yaş qrupu üzrə liqalarla bağlı sərt qərarlar verib.
Futbolinfo.az xəbər verir ki, komitə 4 komandaya texniki məğlubiyyət verib.
U-14 Liqasında “Sabirabad” – “Araz Saatlı” oyunu birincilərin, U-11 Liqasında “Şamaxı” –“Lokomotiv” (Ucar) və U-10 Liqasında “Baku Sporting” – “Laçın” matçları ikincilərin təyin edilən vaxtda meydanda olmamaları səbəbindən baş tutmayıb. Buna görə, həmin komandalara 0:3 hesablı texniki məğlubiyyət verilib.
U-12 Liqasında isə “Aran” (Şirvan) –“Şirvan” (Şirvan) qarşılaşması “Şirvan”ın heyətində yetərsay olmaması ucbatından keçirilməyib. Bu, həmin komandaya da 0:3 hesablı texniki məğlubiyyətin verilməsi ilə nəticələnib.
