Gözlərimiz dünyanı qavramağımıza imkan verən ən mühüm hiss orqanlarımızdan biridir. Bu mürəkkəb orqanın fəaliyyətində mühüm rol oynayan bir çox struktur var ki, onlardan biri də gözümüzün ortasındakı bəbək adlanan dəlikdir.
News24.az xəbər verir ki, gözümüzdəki dəlik, yəni bəbək, işığın gözümüzə daxil olmasını təmin edən bir quruluşdur.
Göz bəbəyi işığın miqdarını tənzimləyərək tor qişadakı təsviri kəskinləşdirir.
İşıqlı mühitlərdə göz bəbəyi daralır, beləliklə daha az işıq alır. Qaranlıq mühitlərdə isə genişlənir və daha çox işığın daxil olmasına imkan verir.
Bu şəkildə gözlərimiz müxtəlif işıq şəraitində effektiv işləyə bilir. Bundan əlavə, göz bəbəyi refleksləri bəzi sağlamlıq problemlərinin diaqnozunda da mühüm rol oynayır.
Məryəm İlhamqızı
