"Uzun müddət idi oynamırdım.
Düşünürəm ki, daha yaxşısını edə bilərəm, bunun üçün də oyundan oyuna artırmaq olar".
Bu fikirləri Sportinfo.az-a açıqlamasında "Səbail"lə oyundakı (3:1) parlaq çıxışını şərh edən Alfa Konte dilə gətirib.
Həqiqətən də afrikalı legioner nəinki ötən matça, hətta tura damğasını vura bilmişdi. Əbəs deyil ki, hər kəs barəsində xoş fikirlər səsləndirirdi.
Düşünmək olardı ki, qarşıdakı turlar "ağ qaralar"ın ən önəmli silahlarından biri Konte olacaq. Amma "Sabah"la oyunda onun adını əsas heyətdə görmədik.
O, yalnız son 18 dəqiqədə meydanda oldu.
Görəsən, baş məşqçinin qərarı futbolçunu təəccübləndiribmi?
Sualımıza cavabı Kontenin öz dilindən eşidək:
"Bəli, mən də təəccübləndim. Çünki ötən oyun yaxşı çıxış etmişdim.
Düşünürdüm ki, bu dəfə də əsas heyətdə yer alacam. Amma baş məşqçinin verdiyi qərardır. Biz də onun qərarlarına hörmətlə yanaşmalıyıq".
XANOĞLAN
