“Sərbəst güləşimiz niyə tənəzzülə gedib? Orta məktəblərə, universitetlərə baş çəkdik. Heç birinin girişində qızıl medal qazananların fotoları yoxdur. Şəhidlərimizin fotolarını qoyurlar. Girişdə şəhidlərinin şəkillərinin olması sevindiricidir. Amma yaşayan qəhrəmanlarımızın şəkilləri yoxdur. Ona görə də gənclər "baboş"lara meyil edirlər".
Teleqraf.com-un xəbərinə görə, bunu deputat, İctimai birliklər və dini qurumlar komitəsinin sədri Fazil Mustafa Milli Məclisin bu gün keçirilən iclasında bildirib.
O vurğulayıb ki, Azərbaycan bayrağını qaldıran hər bir şəxsin adı məktəbin, universitetin girişində olmalıdır: “Amma biz yaşayan qəhrəmanlarımızı nümunə göstərmirik. Buna diqqət etməliyik”.
Müəllif: Şəbnəm Zahir
