Ukrayna Silahlı Qüvvələrinin Rusiyanın Kursk vilayətində əməliyyatlara başlayandan bəri desantçılarımız Rusiya ordusuna 7980 itki yaşadıb. Bu barədə Ukrayna Hava Desant Hücum Qüvvələri Telegram kanalında məlumat yayıb.
Bildirilib ki, düşmənin xeyli silah-sursat olan texnikaları da məhv edilib və ya zədələnib. Siyahıda 58 tank, 162 piyada döyüş maşını, 46 zirehli transportyor, 136 artilleriya sistemi, 2 reaktiv yaylım atəş sistemi, 592 avtomobil, 46 elektron döyüş məntəqəsi və digər xüsusi təyinatlı avadanlıqlar var: "Həmçinin Ukrayna döyüşçüləri 3 helikopteri (Ka-52, Mi-8) və düşmənin 146 müxtəlif tipli PUA-nı məhv edib. 9874 fpv-dron da sıradan çıxarılıb".
Qeyd edək ki, Rusiya ilə Ukrayna arasındakı genişmiqyaslı müharibə 2022-ci ilin fevralın 24-də başlayıb. Moskva işğal zamanı qoşunları Kiyevə qədər apara bilsə də, sonradan müharibədə üstünlük nisbətən Ukraynanın tərəfinə keçib. Ukrayna qoşunları ötən ilin iyunundan əks-hücum əməliyyatlarına başladılar. Amma bu da uğurlu olmadı. Son aylarda isə Rusiya yenidən döyüş meydanındakı vəziyyəti öz xeyrinə dəyişə bilib.
Tural
