Futbol üzrə Azərbaycan Premyer Liqasının 2024/2025 mövsümünün 12-ci turunun “Sabah”la ev oyunu “Sumqayıt” üçün əlamətdar olub.
Arena.az Peşəkar Futbol Liqasının (PFL) rəsmi saytına istinadən xəbər verir ki, sözügedən komanda Azərbaycan çempionatlarının yüksək liqasında 70-ci ev qələbəsini qazanıb.
“Gənclik şəhəri” təmsilçisi öz meydanında “Sabah”a qalib gəlib – 1:0. Sumqayıtın eyniadlı təmsilçisi 70-ci qələbəsini 207-ci ev matçında əldə edib. Ölkə çempionatları tarixində 12 komanda öz meydanında 70 və daha çox görüşdə qalib gəlib.
Qeyd edək ki, “Sumqayıt”ın ilk ev qələbəsi 2011-ci il oktyabrın 30-da AZAL-la görüşə təsadüf edib – 2:1.
