İldırım futbolçunu meydanda öldürdü

Peruda matç zamanı ildırım bir futbolçunu öldürüb.

OLAY yazır ki, faciə Juventud Bellavista və Familia Ciocca komandaları arasında derbi zamanı baş verib. 

Yerli mətbuatın yazdığına görə, güclü yağış səbəbindən futbolçular matçın 23-cü dəqiqəsində meydanı tərk etməyə başlayıblar.

Bundan sonra ildırım çaxıb. Bu anda müdafiəçi Xose Hüqo de la Kruz Mesa ildırım vurub və o yerindəcə keçinib.

Hadisə nəticəsində 7 nəfər xəstəxanaya yerləşdirilib. 

Zərərçəkənlərdən biri, qapıçı Xuan Çoka ağır yanıq xəsarətləri alıb.

Hadisənin dəhşətli görüntüləri oyunu nümayiş edən telekanal tərəfindən lentə alınıb. 

• Matç
• Futbolçu
• Müdafiəçi
• Ildırım
• Peru
• FacÉ™
• Juventud Bellavista
• Familia Ciocca
• Xose Hüqo De La Kruz Mesa