Zaqatalada minik avtomobilləri toqquşub.
APA-nın Şimal-qərb bürosunun məlumatına görə, hadisə Zaqatala şəhəri ərazisində baş verib.
Zaqatala rayon sakini 60 yaşlı Rəhman Osman oğlu Osmanovun idarə etdiyi “VAZ 2107” markalı minik avtomobili ilə Ağstafa rayon sakini 25 yaşlı Ariz Ayaz oğlu Abbasovun idarə etdiyi “VAZ 2107” toqquşub.
Qəza nəticəsində Rəhman Osmanov, onun avtomobildə olan qızı 32 yaşlı Aygül, nəvəsi 9 yaşlı Ayşəgül və digər avtomobilin sərnişini, Balakən rayon sakini 40 yaşlı İlhamə Nurullah qızı Abdullayeva müxtəlif dərəcəli bədən xəsarətləri alıblar.
Onlar Zaqatala Rayon Mərkəzi Xəstəxanasının (RMX) yerləşdiriliblər.
Faktla bağlı Zaqatala rayon Polis Şöbəsində araşdırma aparılır.
