Bu gün UEFA Çempionlar Liqasının Əsas mərhələsində 4-ci turun oyunlarına start veriləcək.
Publika.az xəbər verir ki, ilk oyun günündə 9 qarşılaşma baş tutacaq.
Gecənin mərkəzi matçı Madriddə keçiriləcək. "Real" doğma meydanda "Milan"la qarşılaşacaq.
Başqa bir maraqlı matç İngiltərədə reallaşacaq. "Bayer" "Liverpul"un qonağı olacaq.
Azərbaycan futbol ictimaiyyətinin diqqəti isə İtaliyada olacaq. FİFA referimiz Əliyar Ağayev və onun rəhbərlik etdiyi hakimlər briqadası "Bolonya" - "Monako" matçında ədaləti qorumağa çalışacaqlar.
Qeyd edək ki, 4-cü turun digər görüşləri noyabrın 6-da keçiriləcək.
