Xaçmaz şəhərində piyadanın ölümü ilə nəticələnən avtoqəza baş verib.
"Unikal"ın Şimal bürosunun məlumatına görə, Xaçmaz şəhərinin Bakı prospektində, mərkəzi dairədə yol-nəqliyyat hadisəsi qeydə alınıb. Belə ki, yolu keçmək istəyən piyadanı yük avtomobili vurub.
Nəticədə ağır xəsarətlər alan kişi hadisə yerində ölüb. Hazırda ölən şəxsin kimliyi dəqiqləşdirilir.
Əraziyə hüquq-mühafizə orqanlarının əməkdaşları gəlib.
Faktla bağlı araşdırma aparılır.
Xanlar Qaraca
