Rusiya Federasiya Şurasında keçirilən iclasda maraqlı anlar yaşanıb.
“AzPolitika” xəbər verir ki, Federasiya Şurasının spikeri Valentina Matviyenko Rusiya Səhiyyə nazirinin birinci müavinini tribunaya dəvət etməzdən əvvəl onun ad və soyadı ilə bağlı “iradını” bildirib.
Belə ki, sən demə nazir müavinin adı Vladimir Zelenski imiş. Matviyenko Ukrayna Prezidenti ilə eyni ad və soyadı daşıyan məmura deyib: “Vladimir Anatolyeviç Zelenski - səhiyyə nazirinin birinci müavini. Birinci(müavin) olmağınız yaxşıdır, amma düzünü desəm, soyadınızla bağlı o qədər də bəxtiniz gətirməyib. Bunu(ad və soyadı-red.) heç yerdə yüksək səslə deməyin”.
Qeyd edək ki, Vladimir Zelenski bu vəzifəyə 2021-ci ilin dekabrında təyin olunub.
“AzPolitika.info”
