“Barselona”nın baş məşqçisi Hans-Diter Flik Çempionlar Liqasında “Srvena Zvezda” üzərində böyükhesablı səfər qələbəsini şərh edib.
Arena.az xatırladır ki, “Barselona” yarışın Liqa mərhələsinin 4-cü turu çərçivəsində Serbiya nəhəngi üzərində 5:2 hesablı qələbə qazanıb.
Hansi Flik matçdan sonra baş tutan mətbuat konfransında bunları dilə gətirib:
“Bu üç vacib xaldır. Bu yarışda səfərdə qalib gəlmək asan deyil. Mən çox şadam. Etdiyimiz işi qiymətləndirirəm. “Barselona” topla yaxşı oynadı, müdafiə olundu və təpki etdi. “Srvena Zvezda” da əla oyun keçirdi, onlara qarşı müdafiə olunmaq asan deyildi, çünki onlar da topa yaxşı nəzarət edirdilər”, – “Marca” nəşri alman mütəxəssisdən sitat gətirir.
4 turdan sonra “Barselona” UEFA Çempionlar Liqasının Liqa mərhələsinin yarış cədvəlində 9 xalla 6-cı pillədə qərarlaşıb. Xalsız “Srvena Zvezda” isə 35-ci pillədədir.
