Rusiyada yaxşı pul qazanmaq üçün artıq universitetdə oxumaq lazım deyil. Moskvada “kollec” məzunları üçün iş imkanları və maaş səviyyələri nəzərəçarpacaq dərəcədə artır.
Hafta.az-ın Gazeta.ru-ya istinadən yazdığına görə, peşə liseyini bitirən gənclər xüsusilə iri sənaye müəssisələrində çalışaraq aylıq 150-200 min rubl (1500-2 min dollar) gəlir əldə edə bilərlər. Moskva Məşğulluq Xidmətinin və Gələcək Peşələr Mərkəzinin direktoru Andrey Tarasovun sözlərinə görə, tələbələr hələ təhsilini bitirməmişdən əvvəl işəgötürənlər tərəfindən işə götürülür və sabit iş yerində məskunlaşmaq imkanı qazanırlar.
Tarasov bildirir ki, qaynaqçı, torna ustası, CNC maşın operatoru kimi peşələrə tələbat böyükdür. Bu sahələrdə ixtisaslaşmış gənc mütəxəssislər orta hesabla 150-200 min rubl qazana bilərlər. Təcrübəli qaynaqçıların maaşlarının 300 min rubla (3075 dollar) qədər olduğu bildirilir.
Mərkəzin məlumatına görə, Moskvada açıq iş yerlərinin 75 faizi orta ixtisas təhsili olan insanlar üçün nəzərdə tutulub ki, bu da 375 mindən çox iş imkanı deməkdir. Tarasov vurğulayır ki, peşə təhsili ilə karyerasına başlayanlar nəinki sabit gəlir əldə edirlər, həm də gələcəkdə daha yüksək ixtisaslar əldə etmək imkanı əldə edirlər.
Qəzetin iddiasına görə, bu inkişaflar hətta bir çox universitet məzunlarının uzun illər təcrübə qazanmadan bu maaş səviyyəsinə çatmasının çətin olduğu bir vaxtda kollec məzunları üçün cəlbedici iş imkanları yaradır.
