"Volkswagen" avtomobil istehsalçısı təhlükəsizlik yastıqları ilə bağlı problemlərə görə Amerika bazarından 114,5 min avtomobili geri çağıracaq.
Ucnoqta.az xəbər verir ki, bu barədə ABŞ-ın Avtomobil Yollarının Hərəkətinin Təhlükəsizliyi üzrə Milli Administrasiyasının məlumatlarına istinadən Reuters agentliyi məlumat yayıb.
Məlumata görə, geri çağırılma 2006-cı ildən 2019-cu ilə qədər olan "Beetle" və "Passat" modellərinə təsir edəcək.
Tənzimləyici qeyd edir ki, səbəb sürücü tərəfindəki ön hava yastığının nasazlığı olub və bu, yüksək temperaturun təsiri altında kortəbii işə düşməsinə səbəb ola bilər.
Reuters xəbər verir ki, bu avtomobillərin sahibləri nasaz hissələrin pulsuz dəyişdirilməsi üçün "Volkswagen" dilerləri ilə əlaqə saxlaya bilərlər.
