Amerikanın mayeləşdirilmiş təbii qazı (LNG) Avropa İttifaqının ətraf mühitinə mənfi təsir göstərir.
NOCOMMENT.az xəbər verir ki, bu barədə Avropa Parlamentinin İtaliyadan olan üzvü Dario Tamburrano bildirib.
“ABŞ-dan Avropaya LNG daşınması nəticəsində CO2e emissiyaları karbon emissiyalarından 28% yüksəkdir, çünki metan LNG-nin həyat dövrü boyunca atmosferə buraxılır”, – deyə o vurğulayıb.
Tamburranonun sözlərinə görə, LNG-dən istifadə zamanı təxminən 450 min ton CO2 ekvivalenti buraxılır ki, bu da digər yanacaqların istifadəsindən əldə edilən rəqəmləri xeyli üstələyir.
Tamburrano məktubunda Avropa Komissiyasına LNG-nin mərhələli şəkildə dayandırılmasının Aİ-nin karbon neytrallığına doğru əsas addımlardan biri olub-olmadığını soruşur.
Avropa LNG-ni təkcə ABŞ-dan deyil, həm də Rusiyadan aktiv şəkildə alır. İlin birinci yarısının sonunda Rusiya maye qazının Aİ idxalında payı 20% təşkil edib. Amerika yanacağı regiona tədarük edilən bütün LNG-nin 45%-ni təşkil edir.
